२७ चैत्र २०८२, शुक्रबार १८:२२
भरतपुर । महानगरस्तरीय कक्षा ८ को नतिजा शुक्रबार सार्वजनिक भएको छ।
यस वर्ष भरतपुरका १६३ वटा विद्यालयको परीक्षामा सहभागिता रहेको थियो ।
तीमध्ये ७४ सामुदायिक, ८४ संस्थागत तथा ५ धार्मिक विद्यालय रहेका छन्।
नतिजाअनुसार शतप्रतिशत पासहुनेमा भरतपुरको अंकुरम एकेडेमी रहेको छ । ७४ जना विद्यार्थी सहभागी भएकोमा सबै पास भएको महानगर शैक्षिक महाशाखाले जनाएको छ ।
सामुदायिक विद्यालय तर्फ भद्रकुमारी राष्ट्रिय आधारभुत विद्यालयका ३५ विद्यार्थी सहभागी भएकोमा ३४ जना पास भएका छन्। नारायणी नमुना मावि भरतपुरबाट सबै भन्दा बढी कुल ३ सय ४५ जना सहभागी भएकोमा ३३३ जना विद्यार्थी पास भएका छन् । परीक्षामा जम्मा ७५८९ विद्यार्थी सहभागी भएका थिए, जसमा ४३११ जना विद्यार्थी उत्तीर्ण भएका छन्। जुन ५६.८१ प्रतिशत हो ।
आधारभुत विद्यालय लगौटाका ९ जना विद्यार्थी र राष्ट्रिय मावि चौकीका १२ जना विद्यार्थी परीक्षामा सहभागी भएकामा सबै अनुर्तिण भएको महाशाखाले जनाएको छ ।
केही विद्यालयले उत्कृष्ट प्रदर्शन गरेका छन् भने समग्रमा उत्तीर्ण प्रतिशत सन्तोषजनक देखिएको छ।
यसैबीच, ४ जिपिए ल्याउने ८ वटा विद्यालय रहेको जानकारी प्राप्त भएको छ, जसले भरतपुरको शैक्षिक गुणस्तर सुधारतर्फ सकारात्मक सङ्केत गरेको छ।
शिक्षा सरोकारवालाहरूले नतिजालाई थप सुधार गर्दै आगामी वर्षहरूमा अझ राम्रो उपलब्धि हासिल गर्न विद्यालय, शिक्षक र अभिभावकबीच समन्वय आवश्यक रहेको बताएका छन्।
प्रतिकृया दिनुहोस्