१२ श्रावण २०८३, मंगलवार १८:५९
काठमाडौँ – भारतीय युवा ब्याटर वैभव सूर्यवंशी अन्तर्राष्ट्रिय क्रिकेट इतिहासमै ‘प्लेयर अफ द सिरिज’ जित्ने सबैभन्दा कान्छा खेलाडी बनेका छन्। जिम्बाब्वेविरुद्धको तेस्रो टी-२० खेलमा ३५ रनको जित निकाल्दै भारतले शृङ्खला ३-० ले ‘क्लिन स्विप’ गर्दा सूर्यवंशी सर्वोत्कृष्ट खेलाडी घोषित भएका हुन्।
१५ वर्ष १२१ दिनको उमेरमा यो उपलब्धि हासिल गर्दै सूर्यवंशीले अफगानिस्तानका मुजिब उर रहमानको कीर्तिमान तोडेका छन्। यसअघि रहमानले १६ वर्ष ३२८ दिनको उमेरमा यो उपाधि जितेका थिए।
जिम्बाब्वेविरुद्धको तेस्रो खेलमा हरारेमा ४९ बलमा ८१ रन बनाउँदै उनी ‘प्लेयर अफ द म्याच’ समेत चुनिए। यससँगै उनी अन्तर्राष्ट्रिय क्रिकेटमा ‘प्लेयर अफ द म्याच’ जित्ने सबैभन्दा कान्छा भारतीय खेलाडी बनेका छन्। उनले सचिन तेन्दुलकरको (१७ वर्ष ११२ दिन) कीर्तिमान भङ्ग गरेका हुन्। विश्व क्रिकेटमा भने उनी पछाडि सिएरा लियोनका अलुसिन तुरे (१५ वर्ष ७४ दिन) मात्रै रहेका छन्।
शृङ्खलाभर सर्वाधिक १५१ रन बनाएका सूर्यवंशी यो वर्ष टी-२० मा सर्वाधिक छक्का प्रहार गर्ने भारतीय ब्याटरको सूचीमा समेत अग्रस्थानतिर छन्। उनले यस वर्ष टी-२० क्रिकेटमा ८६ छक्का प्रहार गरिसकेका छन्।
प्रतिकृया दिनुहोस्