सिटीले उचाल्यो काराबाओ कपको उपाधि

---

काठमाडौँ – म्यानचेस्टर सिटीले काराबाओ कपको उपाधि उचालेको छ । प्रिमियर लिग लिडर आर्सनललाई हराउँदै सिटीले काराबाओको उपाधि उचालेको हो ।

यो जितमा सिटीका निको ओरेली नायक बने । उनले फाइनल खेलको दोस्रोमा दुई गोल गर्दै खेल आफ्नो पक्षमा पारेका हुन् ।

पहिलो हाफ गोलरहित बराबरीमा सकिएको खेलको दोस्रो हाफको ६० औँ मिनेटमा ओरेलीले हेडमार्फत सिटीलाई सुरुवाती अग्रता दिलाएका थिए । त्यसको चार मिनेटपछि उनले टिमका लागि अर्को गोल गरेका थिए ।

आर्सनललाई २-० ले हराउँदै सिटीले उपाधि जितेको हो ।