न्युक्यासल युनाइटेडसँग चेल्सी पराजित

---

काठमाडौँ – प्रिमियर लिगमा न्युक्यासल युनाइटेडसँग चेल्सी पराजित भएको छ । गएराति भएको खेलमा चेल्सी न्युक्यासलसँग १–० गोल अन्तरले पराजित भएको हो ।

उक्त खेलमा पहिलो हाफमा गरेको गोल नै निर्णायक बनेको हो । खेलको १८ औँ मिनेटमा न्युक्यासलका लागि एन्थोनी गोर्डनले गोल गर्दै अग्रता लिएका थिए ।

त्यसपछि पूरा खेल अवधिसम्म दुवैतर्फबाट गोल हुन नसक्दा न्युक्यासल १–० ले विजयी भएको हो । शनिबार राति नै भएको अर्को खेलमा आर्सनलले एभर्टनमाथि २–० को जित निकालेको छ ।