माडीको आधारभूत विद्यालय पाण्डबनगरमा दिवा खाजा कोठा र खानेपानी टंकीको शिलान्यास

---

चितवन–लायन्स क्लव अफ नारायणगढ नारायणीले चितवनको माडी नगरपालिका–१, स्थित श्री राष्ट्रिय आधारभूत विद्यालय पाण्डबनगरमा दिवा खाजा कोठा तथा प्राकृतिक स्वच्छ पिउने पानी टंकी निर्माण गर्ने भएको छ ।शनिबार एक कार्यक्रमकाबीच दिवा खाजा कोठा तथा पानी टंकीको शिलान्यास गरिएको छ । लायन्सका डिष्ट्रिक्ट ३२५ आर नेपालका गभर्नर नवराज सापकोटा र लायन्स क्लव अफ नारायणगढ नारायणीकी अध्यक्ष जोशिला पियाले दिवा खाजा कोठा र खानेपानी टंकीको शिलान्यास गर्नुभएको हो । अमाल्या एसके फाउण्डेशनको आर्थिक सहयोग तथा लायन्स क्लव अफ नारायणगढ नारायणीको संयोजनमा दिवा खाजा कोठा र पानी टंकी निर्माण गर्न लागिएको हो ।बोटे विद्यार्थीहरुको बाहुल्य रहेको यस विद्यालयमा विद्यार्थीहरूलाई सरकारबाट उपलब्ध हुँदै आएको दिवा खाजा खान उपयुक्त कोठाको र स्वच्छ पिउने पानीको अभाव महसुस गरी लायन्स क्लब अफ नारायणगढ नारायणीले अमाल्या एसके फाउण्डेसनसंग सहयोग लिएर सो कार्यको थालनी गरेको हो । यो भवन निर्माणका लागि नेपाल लायन्स फाउण्डेसनसंग पनि सहयोग लिएको छ ।

दिवा खाजा खाने कोठा र स्वच्छ पिउने पानी ९० जना विद्यार्थी, विद्यालयका शिक्षक, विद्यालय सहयोगीहरूले उपभोग गर्ने छन् ।
लायन्स क्लब अफ नारायणगढ नारायणीकी अध्यक्ष जोशिला पियाको अध्यक्षता तथा लायन्स अन्तराष्ट्रिय डिष्ट्रिक ३२५ आर नेपालका डिष्ट्रिक गभर्नर नवराज सापकोटा प्रमुख आतिथ्तामा सम्पन्न कार्यक्रममा प्रथम डिष्ट्रिक गभर्नर प्रभाकर पंण्डित, द्धितिय डिष्ट्रिक गभर्नर दिपेन्द्र प्रसाद खतिवडा, पूर्व डिष्ट्रिक गभर्नर एवं मल्टिपल डिष्ट्रिक लियो चियरपर्सन सिद्धार्थलाल चुके, अमाल्या एसके फाउण्डेसनका संरक्षक शान्तकुमार पियालगायतको उपस्थिति रहेको कार्यक्रम संचालिका संगीता श्रेष्ठले जानकारी दिनुभयो ।

कार्यक्रममा नारायणगढ नारायणीकी कोषाध्यक्ष मन्दिरा जोशी श्रेष्ठले स्वागत मन्तव्य व्यक्त गर्नु भएको थियो । नारायणगढ नारायणीकी अध्यक्ष जोशिला पियाले आफ्नो उद्देश्य र विद्यार्थीहरूलाई सहयोग गर्नु हुने नेपाल लायन्स फाउण्डेसन, अमाल्या एसके फाउण्डेस, विद्यालय व्यवस्थापन समिती र माडी वडा १ कार्यालयलाई धन्यवाद ब्यक्त गर्नु भएको थियो ।