५ मंसिर २०८३, शुक्रबार २०:०३
रत्ननगर। विपन्न परिवारकी विद्यार्थी आयुषा तामाङको शैक्षिक यात्रालाई सहज बनाउने उद्देश्यले रत्ननगर नगरपालिका वडा नम्बर ११ कार्यालयले साइकल सहयोग गरेको छ।
पञ्चकन्या माध्यमिक विद्यालय जिरौनामा कक्षा ८ मा अध्ययनरत आयुषालाई वडा कार्यालयले साइकल प्रदान गरेको हो।
वडा अध्यक्ष श्यामकुमार श्रेष्ठसहित वडा जनप्रतिनिधि तथा कर्मचारीहरूले संयुक्त रूपमा आयुषालाई साइकल हस्तान्तरण गरेका हुन्।
साइकल सहयोगले विद्यालय आवतजावतमा सहजता हुनुका साथै उनको अध्ययनलाई निरन्तरता दिन सहयोग पुग्ने अपेक्षा गरिएको छ। विपन्न परिवारका विद्यार्थीको शैक्षिक पहुँच र सहजताका लागि गरिएको यस सहयोगले विद्यार्थीमा थप हौसला मिल्ने विश्वास गरिएको छ।










प्रतिकृया दिनुहोस्