मकवानपुरमा यात्रुवाहक ईभी दुर्घटना हुँदा ४ जनाको ज्यान गयो

---

काठमाडौं- मकवानपुरको इन्द्रसरोवर गाउँपालिका–२, सुकौरामा मंगलबार दिउँसो यात्रुवाहक विद्युतीय गाडी सडकबाट करिब १ हजार मिटर तल खस्दा ४ जनाको घटनास्थलमै मृत्यु भएको छ।

काठमाडौँबाट वीरगञ्जतर्फ आउँदै गरेको म.प्र.०३–००१ ज ०७२० नम्बरको गाडी हेटौँडा–भीमफेदी–कुलेखानी–फाखेल सडकखण्डमा दुर्घटनामा परेको हो।

दुर्घटनामा ४ जना घाइते भएका छन्। घाइतेमध्ये २ पुरुष र १ महिलालाई उपचारका लागि काठमाडौँ तथा एक महिलालाई हेटौँडा पठाइएको छ।

गाडीमा चालकसहित ८ जना सवार रहेको प्रहरीले जनाएको छ। मृतकको पहिचान र दुर्घटनाको विस्तृत विवरण आउन बाँकी छ।