एसिसी महिला प्रिमियर कप: दोस्रो खेलमा भुटानसँग प्रतिस्पर्धा गर्दै नेपाली महिला टिम

---

काठमाडौँ – मलेसियामा जारी एसिसी महिला प्रिमियर कपमा आज नेपालले भुटानसँग प्रतिस्पर्धा गर्दैछ । बुधबार पहिलो खेलमा कतारलाई आठ विकेटले हराएको नेपाल आज दोस्रो खेलमा विजयी हुने लक्ष्यसहित मैदानमा हुनेछ ।

नेपाल र भुटानको खेल बिहीबार बिहान ७ः१५ बजे मलेसियाको टुङ्कु जाफर क्रिकेट ओभलमामा हुँदैछ ।

बुधबार भएको पहिलो खेलमा कतारले दिएको ७७ रनको लक्ष्य नेपालले दुई विकेटको क्षतिमा भेट्टाएको थियो । नेपालले १० ओभर ५ बलमा दुई विकेटको क्षतिमा ७८ रन बनाउँदै पहिलो जित निकालेको हो ।

प्रतियोगितामा नेपालले अर्को खेल हङकङसँग खेल्दैछ । हङकङसँगको खेल शनिबार हुँदैछ ।