३ जेष्ठ २०८३, आईतवार ०६:४६
काठमाडौँ – इन्डियन प्रिमियर लिग (आईपीएल) अन्तर्गत गएराति भएको खेलमा गुजरातमाथि कोलकाताले २९ रनको रोमाञ्चक जित दर्ता गरेको छ । सुरुमा ब्याटिङ गरेको कोलकाताले दिएको २४८ रनको विशाल लक्ष्य बनाएको थियो ।
उसका लागि कप्तान शुभमन गिलले ८५ रन बनाउँदा जोस बटलरले ५७ रन ओपनर साई सुदर्शनले नटआउट ५३ रन बनाएर विशाल लक्ष्य प्रस्तुत गरेका हुन् । २४८ रनको लक्ष्य पछ्याएको गुजरात टाइटन्स निर्धारित २० ओभरमा ४ विकेट गुमाएर २१८ रनमा सीमित भएको हो ।
गुजरातका ब्याटरले क्रिजमा टिकेर रन जोडे पनि कोलकाताको बलिङ आक्रमण र विशाल रनरेटको दबाबका कारण टोली लक्ष्यभन्दा २९ रनले पछि परेको हो ।
उसका लागि फिन एलन, अङ्कृष्ण रघुवंशी र क्यामरुन ग्रीनले अर्धशतक प्रहार गरेका थिए । ओपनर फिनले ९३ रन बनाउँदा रघुवंशीले ८२ र ग्रीनले नटआउट ५२ रन जोडेका हुन् । तर उक्त रन जितका लागि पर्याप्त भएन ।
कोलकाताका स्पिनर सुनिल नारायणले किफायती बलिङ गर्दै गुजरातको रनको गतिमा ब्रेक लगाए। उनले आफ्नो स्पेलमा मात्र २९ रन खर्चेर २ महत्वपूर्ण विकेट लिए। उत्कृष्ट अलराउन्ड प्रदर्शन गरेका सुनिल प्लेयर अफ द म्याच बने ।
तालिकाको सातौं स्थानमा रहेको कोलकाताले यो जितसँगै १२ खेलमा ११ अंक जोडेको छ । १३ खेल खेलिसकेको गुजरात भने १६ अंकसहित तालिकाको दोस्रो स्थानमा छ ।
प्रतिकृया दिनुहोस्