आईपीएल क्रिकेटमा गुजरात र हैदराबादको जित

---

काठमाडौं।  आईपीएल क्रिकेटमा हिजो भएका खेलमा गुजरात टाइटन्स र सनराइजर्स हैदराबाद विजयी भएका छन् । गएराति भएको दोस्रो खेलमा गुजरातले पञ्जाबलाई ४ विकेटले हरायो । अहमदाबादमा गुजरातले १ सय ६४ रनको लक्ष्य १९ ओभर ५ बलमा ६ विकेट गुमाएर पूरा गरेकाे हाे ।

पहिले ब्याटिङ गरेको पञ्जाबले २० ओभरमा ९ विकेट गुमाएर १ सय ६३ रन बनाएको थियो । १ सय ६४ रनको लक्ष्य पछ्याएको गुजरातका लागि साई सुदर्शनले ५७ रनको अर्धशतकीय इनिङ्स खेले । पञ्जाबका अर्शदीप सिंह र विजयकुमार वैशाखले समान २ विकेट हात पारे । गुजरातले तालिकामा १२ अंक पुर्याएको छ । पञ्जाब भने लगातार दोस्रो हार व्यहोरे पनि अझै १३ अंकसहित तालिकाको शीर्ष स्थानमा रहेको छ ।

हिजै भएको पहिलो खेलमा कोलकाता नाइट राइडर्सले सनराइजर्स हैदराबादलाई ७ विकेटले पराजित गरेको छ । हैदराबादले दिएको १ सय ६६ रनको लक्ष्य कोलकाताले १८ ओभर २ बलमा ३ विकेट गुमाएर पूरा गरेकाे हाे  । पहिले ब्याटिङ गरेको हैदराबादले १९ ओभरमा सबै विकेट गुमाएर १ सय ६५ रन बनाएको थियो ।

हैदराबादका लागि ट्राभिस हेडले ६१ रन तथा इशान किशनले ४२ रन बनाए । कोलकाताका वरुण चक्रवर्तीले ३, कार्तिक त्यागी र सुनील नारिनले समान २ विकेट लिए । जितसँगै कोलकाता ७ अंकसहित तालिकाको आठौँ स्थानमा छ । हैदराबाद १२ अंकसहित तेस्रो स्थानमा छ ।

आईपीएल क्रिकेटमा आज बेलुकी पौने ८ बजे मुम्बईको वानखेडे स्टेडियममा मुम्बई इन्डियन्स र लखनऊ सुपर जायन्ट्स खेल्नेछन् ।