८ बैशाख २०८३, मंगलवार १८:२५
काठमाडौं – नायक विजय बराल र नायिका सनिशा भट्टराईले फिल्म ‘जिरो डिग्री’को छायाङ्कन सकेका छन् ।
डार्क कमेडी जनरामा बनेको यस फिल्मको छायाङ्कन सोमबार सकिएको हो ।
निर्देशक मध्येका एक आकास बरालका अनुसार तालिकाभन्दा दुई दिन बढी लगाएर छायाङ्कन गरिएको हो ।
उनले भने, ‘पानी परेर तालिका हेरफेर भयो । ३५ दिनमा सुटिङ सक्ने भनेको ३७ दिन लाग्यो ।’
यो फिल्मको छायाङ्कन पोखरामा गरिएको हो । साजन काफ्ले र बरालको संयुक्त लेखन–निर्देशनमा यो फिल्म बन्दैछ ।
सडक सञ्जाल नपुगेको गाउँमा बुवा आमाको शव सुरक्षित राख्न ‘डिप फ्रिज’ लैजाँदाका उथलपुथलको घटनामा यस फिल्म बन्ने बताइएको छ ।
फिल्मको छायाङ्कन पूरा भए पनि निर्माण पक्षले प्रदर्शन मिति तय गरेको छैन । निर्देशक बरालले फिल्म दशैँअघि नै प्रदर्शनमा आउने खुलाए ।
प्रतिकृया दिनुहोस्