२६ चैत्र २०८२, बिहीबार ०६:५१
काठमाडौँ – इन्डियन प्रिमियर लिग (आईपीएल) २०२६ को १४ औं खेलमा गुजरात टाइटन्सले दिल्ली क्यापिटल्समाथि १ रनको रोमाञ्चक जित हात पारेको छ ।
दिल्लीस्थित अरुण जेटली स्टेडियममा बुधबार राति भएको खेलमा २११ रनको विशाल लक्ष्य पछ्याएको घरेलु टोली दिल्ली निर्धारित २० ओभरमा ८ विकेट गुमाउँदै २०९ रनमा समेटिएको हो ।
यसअघि टस हारेर पहिले ब्याटिङ गरेको गुजरातले २० ओभरमा ४ विकेट गुमाएर २१० रन बनाएको थियो । गुजरातका लागि कप्तान शुभमन गिलले ४४ बलमा ७० रनको शानदार अर्धशतकीय योगदान दिए । जोस बटलर र वाशिङ्टन सुन्दरले अर्धशतक बनाए ।
२११ रनको लक्ष्य पछ्याएको दिल्लीका लागि केएल राहुलले ५२ बलमा ९२ रनको शानदार अर्धशतकीय पारी खेले । दिल्लीको पछिल्लोक्रमका ब्याट्सम्यानले टिकेर नखेल्दा एक रनले चुकेको हो । दिल्लीमाथि रोमाञ्चक जित निकाल्दा राशिद खानको बलिङ गरे । चार ओभर बलिङ गर्दा उनले मात्र १७ रन खर्चिएर तीन विकेट लिए ।
यो हारसँगै दिल्ली तीन खेल खेल्दा चार अंकसहित तालिकाको चौथो स्थानमा छ । समान खेल खेलेको गुजरात दुई अंकसहित छैटौ स्थानमा छ ।
प्रतिकृया दिनुहोस्