प्याराडाइज युवा क्लवलाई युवा व्यवसायी सन्देश तामाङको सहयोग ।

---

 

रत्ननगर । रत्ननगरका युवा व्यवसायी तथा समाजसेवी सन्देश तामाङले प्याराडाइज युवा क्लवलाई जर्सी सहित खेलकुदका सामग्री सहयोग गर्नु भएको छ ।

माडीमा जारी स्टार कपमा डिफेन्डिङ च्याम्पियनको रुपमा सहभागिता जनाउन लागेको प्याराडाइजलाई तामाङले खेलकुदका सामग्री सहयोग गर्नुभएको हो ।

समाजसेवी तामाङले क्लवका अध्यक्ष एस के चौधरी र टिम कोच चन्दन चौधरीलाई सामग्री हस्तान्तरण गर्नुभएको हो । सान रियल स्टेट नेपाल प्रा.लि.का सञ्चालक समेत रहनु भएका तामाङले व्यवसाय र समाजप्रतिको दायित्वलाई संगसंगै अगाडि बढाउनु भएको छ ।

आज प्याराडाइज र अभिषेक चर्ज रजहर बीच उपाधिका लागि भिडन्त हुँदैछ । क्लबका अध्यक्ष चौधरीले युवा व्यवसायी तामाङले खेलकुद क्षेत्रमा गरेको सहयोग अतुलनीय रहेको बताउनु भयो । तामाङले प्रथम पञ्चकन्या कपमा मुख्य प्रायोजकको रुपमा सहयोग गर्नु भएको छ ।