६ थान भरूवा बन्दुक बरामद

---

म्याग्दी । प्रहरीले देशका छुट्टाछुट्टै स्थानबाट ६ थान भरुवा बन्दुक बरामद गरेको छ।

रघुगंगा गाउँपालिका-५ स्थित झीँ सामुदायिक वनबाट भरूवा बन्दुक ३ थान मंगलबार दिउँसो प्रहरीले बरामद गरेको छ। प्रहरी चौकी पाखापानीबाट खटिएको प्रहरीले उक्त बन्दुकहरू फेला पारी बरामद गरेको हो।

यसैगरी म्याग्दीको रघुगंगा गाउँपालिका-७ चिमखोला नजिकबाट भरूवा बन्दुक ३ थान मंगलबार बिहान प्रहरीले बरामद गरेको छ। अस्थायी प्रहरी पोष्ट चिमखोलाबाट खटिएको प्रहरीले उक्त बन्दुकहरू फेला पारी बरामद गरेको हो।

यस सम्बन्धमा प्रहरीले आवश्यक अनुसन्धान गरिरहेको जनाएको छ।