१८ जेष्ठ २०८३, सोमबार १८:५२
काठमाडौं– काठमाडौंको ठमेल क्षेत्रबाट १५ जना बंगलादेशी नागरिक पक्राउ परेका छन् ।
काठमाडौं उपत्यका अपराध अनुसन्धान कार्यालयको टोलीले उनीहरूलाई पक्राउ गरेको हो ।
प्रहरीका अनुसार भिजिट भिसामा नेपाल आएका उनीहरू भिसाको उद्देश्यविपरीत गतिविधिमा संलग्न रहेको आरोपमा पक्राउ परेका हुन् ।
पक्राउ परेका व्यक्तिहरू ठमेलस्थित होटल एसीईको चौथो, पाँचौं र छैटौं तलामा बस्दै आएका थिए ।
उनीहरूले ती कोठाहरू भाडामा लिएर विदेशी मोडल तथा युवतीहरूको नाममा नक्कली फेसबुक अकाउन्ट सञ्चालन गरी विभिन्न व्यक्तिसँग कुराकानी गर्दै अवैध गतिविधि गरिरहेको प्रारम्भिक अनुसन्धानबाट खुलेको प्रहरीले जनाएको छ ।
पक्राउ परेका सबैलाई थप अनुसन्धान तथा आवश्यक कारबाहीका लागि कालिकास्थानस्थित अध्यागमन विभागको जिम्मा लगाइएको छ ।
प्रतिकृया दिनुहोस्