गाजाको जहाजमा पक्राउ इन्डोनेसियाली स्वदेश फिर्ता

---

जेरुसलेम- इजरायली सेनाले गाजाका लागि मानवीय सहयता सामाग्री बोकेका दुई वटा जहाजलाई समुद्री नाकामा रोकेर हिरासतमा लिएका नौ इन्डोनेसियाली नागरिकहरू हाल स्वदेश फर्किरहेको इन्डोनेसियाका विदेशमन्त्री सुगियोनोले बताएका छन् । स्वयंसेवकहरू टर्कीको इस्तानबुलका लागि इजरायली क्षेत्रबाट प्रस्थान गरेको उल्लेख गर्दै चाँडै नै इन्डोनेसिया पुग्ने अपेक्षा गरिएको इन्डोनेशियाको विदेश मन्त्रालयले विज्ञप्ति मार्फत पुष्टि गरेको सुगियोनोले जनाएका छन् ।

सुगियोनोका अनुसार इन्डोनेसियालीहरूको रिहाइ र स्वदेश फिर्ता प्रक्रिया इन्डोनेसियाली सरकारले गरेको गहन तथा कूटनीतिक प्रयास र घनिष्ठ समन्वयको माध्यमबाट सुरक्षित रुपमा सम्भव भएको थियो । उनले पुनरागमन प्रक्रियालाई सहज बनाउन सक्रिय भूमिका र समर्थनका लागि टर्की सरकारको प्रशंसासमेत गरेका छन् ।

यसैबीच स्वयंसेवकहरूले उनीहरूको नजरबन्दको समयमा अनुभव गरेको अमानवीय व्यवहारहरुको वर्णन गरे पछि सुगियोनोले इन्डोनेसियाको निन्दा गरेका छन् । उनले यस्तो व्यवहारले अन्तर्राष्ट्रिय मानवीय कानूनको गम्भीर उल्लङ्घन भएको बताउदै इन्डोनेसियाली सरकारले सबै इन्डोनेसियाली नागरिकहरूको सुरक्षित फिर्तीको निगरानी र सुनिश्चित गर्न आवाश्यक प्रक्रिया जारी राख्नु पर्ने कुरामा जोड दिएका छन् ।