विज्ञको दाबी : अबको २४ देखि ४८ घण्टाभित्र इरानमाथि फेरि हमला सुरू गर्न सक्छ अमेरिका

---

तेहरान- पश्चिम एसियाको तनावबीच अमेरिकाले आगामी २४ देखि ४८ घण्टाभित्र इरानविरुद्ध सैन्य कारबाही फेरि सुरु गर्न सक्ने आशंका गरिएको छ।

दोहा इन्स्टिच्युट अफ ग्रेजुएट स्टडीजका प्रोफेसर मोहम्मद एलमसरीले अमेरिकी राष्ट्रपति डोनाल्ड ट्रम्पमाथि इजरायल र आफ्नै प्रशासनका कठोर रवैया भएका नेताहरूको दबाब बढिरहेको बताएका छन् ।

अल जजिरासँगको कुराकानीमा एलमसरीले भने ‘ट्रम्प धेरै विभिन्न व्यक्तिहरूको प्रभावमा छन्, जसमा इजरायली प्रधानमन्त्री बेन्जामिन नेतन्याहू र अमेरिकी प्रशासनका ‘हकिश’ अधिकारीहरू समेत छन्।

यही कारणले आगामी २४ देखि ४८ घण्टाभित्र अमेरिकाबाट नयाँ सैन्य कारबाही हुने सम्भावना कायमै रहेको उनले बताए ।

एलमसरीले ट्रम्पलाई इरान र वार्ता प्रक्रिया दुवैबाट धेरै अपेक्षा रहे पनि निराश हुनुपरेको छ। उनले हालैको चीन भ्रमण र राष्ट्रपति सी चिनफिङसँगको बैठकमा पनि ट्रम्पले राम्रो रणनीतिक नतिजाको आशा गरेको बताए।

विश्लेषकका अनुसार, हालको द्वन्द्व अमेरिका र ट्रम्प प्रशासनका लागि राजनीतिक तथा आर्थिक रूपमा घाटेमुखी साबित भएको छ। उनले ट्रम्पका लागि अहिले युद्ध समाप्त गर्नु नै बुद्धिमानीपूर्ण कदम हुन सक्ने पनि बताए।

तर एलमसरी ट्रम्पका लागि अब सिधै पछि हट्न सजिलो नरहेको बताए । उनी अमेरिकी जनतासामु स्पष्ट जितबिना युद्ध समाप्त गरेको दाबी गर्न सक्ने अवस्थामा नरहेको पनि उनको बुझाइ छ।