२९ बैशाख २०८३, मंगलवार १८:३९
सुनसरी– सुनसरी प्रहरीले रोकेर राखेको अवस्थामा रहेको एउटा एम्बुलेन्सबाट ठूलो परिमाणमा लागूऔषध गाँजा बरामद गरेको छ ।
जिल्ला प्रहरी कार्यालय सुनसरीका अनुसार सोमबार राति करिब १२ः४० बजे धरान उपमहानगरपालिका–१३ स्थित थाउजेन्ड्स बिग बुद्ध सडक क्षेत्रमा चेकजाँचका क्रममा गाँजा फेला परेको हो ।
इलाका प्रहरी कार्यालय धरानबाट खटिएको प्रहरी टोलीले सडक छेउमा रोकेर राखिएको धरान–१८ स्थित बुढासुब्बा डाइग्नोस्टिक सेन्टर प्रालिद्वारा सञ्चालित को १ च ७३५९ नम्बरको एम्बुलेन्स चेकजाँच गरेको थियो ।
जाँचका क्रममा एम्बुलेन्सभित्र लागूऔषध गाँजाजस्तो देखिने ४४० किलो पदार्थ फेला परेको प्रहरीले जनाएको छ ।
प्रहरीले गाँजासहित एम्बुलेन्स नियन्त्रणमा लिई इलाका प्रहरी कार्यालय धरानमा राखेर थप अनुसन्धान अघि बढाएको जनाएको छ ।
प्रतिकृया दिनुहोस्