सवारी दुर्घटनामा दुई जनाको मृत्यु

---

काठमाडौं– सर्लाहीको हरीपुर्वा नगरपालिका-९ स्थित सडकमा ग.१ ख ९४६७ नम्बरको बसले ना.४८ प ४७० नम्बरको मोटरसाइकललाई बुधबार बिहान ठक्कर दिँदा मोटरसाइकल चालक महोत्तरी गौशाला नगरपालिका-१२ कान्तिबजार बस्ने ३६ वर्षीय पप्पु भन्ने श्याम ठाकुरको मृत्यु भएको छ ।

दुर्घटनामा गम्भीर घाइते भएका उनको प्रादेशिक अस्पताल मलगंवामा उपचारको क्रममा मृत्यु भएको हो । प्रहरीले हाल फरार बस चालकको खोजी गरिरहेको छ ।

त्यसतै, रूपन्देहीको लुम्बिनी साँस्कृतिक नगरपालिका-६ पिपरास्थित सडकमा बिएए ००७९ नम्बरको कारले युपि ५५ बि ००३९ नम्बरको मोटरसाइकललाई बिहीबार बिहान ठक्कर दिँदा मोटरसाइकलमा सवार भारत सिद्धार्थनगर कक्रहवा बस्ने ४० वर्षीय बाबु साहेब लोध मृत्यु भएको छ ।

दुर्घटनामा गम्भीर घाइते भएका उनको भीम अस्पताल भैरहवामा उपचारको क्रममा मृत्यु भएको हो । प्रहरीले कार र मोटरसाइकल चालकलाई नियन्त्रणमा लिएको छ ।