काठमाडौं। नेकपा एमालेले गृहमन्त्री सुधन गुरूङको राजीनामा माग गरेको छ।
एमालेले गृहमन्त्रीसँग जोडिएर सार्वजनिक भएको प्रकरणले केवल आशंका मात्र उत्पन्न नगरेको तथा यसले विगतमा भएका सम्भावित अनियमितता र विसंगतिका रहस्यसमेत उजागर गरेको आरोप लगाएको छ।
‘गृहमन्त्रीसँग सम्बन्धित विषयहरूमा निष्पक्ष र स्वतन्त्र अनुसन्धान प्रक्रिया अगाडि बढाउन नेकपा (एमाले) जोडदार माग गर्दछ। यसका लागि नेकपा (एमाले) स्पष्ट रूपमा भन्छ– अनुसन्धानलाई कुनै पनि प्रकारको शक्ति वा प्रभावबाट मुक्त राखेर अघि बढाइनु पर्दछ। तसर्थ, गृहमन्त्रीको संलग्नता देखिएका सबै विषयहरूको छानवीन गर्न उच्चस्तरीय संयन्त्र गठन गरी तत्काल अनुसन्धान प्रक्रिया सुरू गरियोस्। साथै, गृहमन्त्री स्वयंले ढिलासुस्ती वा ढाकछोप नगरी अनुसन्धान प्रक्रियालाई सहज, निष्पक्ष र प्रभावरहित बनाउन तुरून्त मार्गप्रशस्त गर्न हामी माग गर्दछौं,’ प्रचार विभाग प्रमुख मीनबहादुर शाहीले जारी गरेको विज्ञप्तिमा भनिएको छ।
मन्त्रीहरूको सम्पत्ति सार्वजनिक भएलगत्तै सरोकारवालाहरूबीच प्रश्न उठ्दै चासो प्रकट हुँदै आएको एमालेले बताएको छ। यस विषयमा थप बहस र छलफल हुँदै जाने एमालेको भनाइ छ।
सम्वन्धित समाचारहरु
प्रतिकृया दिनुहोस्