देशका छुट्टाछुट्टै स्थानमा तीन जनाको शव फेला

---

काठमाडौं। देशका विभिन्न स्थानमा तीन जनाको शव फेला परेको छ।

झापाको अर्जुनधारा नगरपालिका-९ नमुना सामुदायिक वनमा सोही नगरपालिका-१० कालिझोडा घर बताउने ६९ वर्षीय गोपाल खड्गी सोमबार मृत अवस्थामा फेला परेका छन्।

बाजुराको बुढीनन्दा नगरपालिका-८ चापारूखस्थित खापरकोटी माई जनरल स्टोर पसल गरी बस्ने बझाङ घर भएका ६० वर्षीय महेशराम रेग्मी आफ्नै पसलमा सोमबार मृत अवस्थामा फेला परेका छन्।

नुवाकोटको विदुर नगरपालिका-१ ढुङंगे बस्ने ४० वर्षीय नवराज अधिकारी आफ्नै घरमा मंगलबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको जनाएको छ।