ओली-लेखक पक्राउबारे कमल थापा : सरकार निषेध, प्रतिशोध र पूर्वाग्रहको बाटोमा लाग्यो

---

काठमाडौं– पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गरिएको घटनाप्रति राष्ट्रिय प्रजातान्त्र पार्टीका नेता कमल थापाले आपत्ति जनाएका छन्।

सामाजिक सञ्जालमार्फत प्रतिक्रिया दिँदै थापाले सुशासन र आर्थिक समृद्धिको लक्ष्यसहित गठन भएको बालेन शाह नेतृत्वको सरकार निषेध, प्रतिशोध र पूर्वाग्रहको बाटोमा लागेको देखिएको बताएका छन्।

उनले वर्तमान समयमा द्वन्द्व र मुठभेड कसैको प्राथमिकता हुन नहुने उल्लेख गर्दै सुशासन र समृद्धिका लागि कानुनी राज्यको पालना, आपसी मेलमिलाप र राष्ट्रिय एकता पहिलो सर्त भएको बताएका छन्।

ओली र लेखक पक्राउपछि विभिन्न राजनीतिक दलका नेताहरूबाट प्रतिक्रिया आउने क्रम जारी छ।