सुरक्षाकर्मीलाई हाइअलर्ट बस्न निर्देशन

---

काठमाडौँ – मन्त्रिपरिषद्ले जेनजी आन्दोलन जाँचबुझ आयोगको प्रतिवेदन कार्यान्वयनमा लैजाने निर्णय गरेसँगै सुरक्षाकर्मीलाई हाइअलर्टमा बस्न गृहप्रशासनले निर्देशन दिएको छ ।

गृहमन्त्रालयको निर्देशन बमोजिम प्रहरी प्रधान कार्यालयले उपत्यका प्रहरी कार्यालय रानीपोखरीलाई हाइअर्लटमा बस्न निर्देशन दिएको प्रहरी स्रोतले जानकारी दिएको छ ।

मन्त्रिपरिषद्को पहिलो बैठकले प्रतिवेदनका सिफारिस कार्यान्वयन गर्ने निर्णय गरेको थियो । आयोगको निर्णय अनुसार राजनीतिक व्यक्तिलाई कारबाहीको दायरामा ल्याउने र सुरक्षाकर्मीको हकमा भने छुट्टै समिति बनाएर अनुसन्धान गर्ने मन्त्रिपरिषद्को निर्णय छ ।

गृहमन्त्री सुधन गुरुङले पदवहालीपछि कार्की नेतृत्वको आयोगको प्रतिवेदन कार्यान्वयनमा लैजाने बताएका थिए ।

आयोगले सिफारिस गरेका सबैलाई कारबाही हुने उनको भनाइ थियो । ‘जेनजी जनादेश अनुसार सरकार अघि बढ्छ । आयोगको सिफारिस अनुसार सबैलाई कारबाही हुन्छ । काम गर्न आएको हो काम गर्ने हो,’ उनले भनेका थिए ।

नेपाल प्रहरीले कार्की आयोगको प्रतिवेदन कार्यान्वयनमा लैजाने सरकारले निर्णय गरेसँगै कांग्रेस–एमाले विरोधमा उत्रिन सक्ने भएकोले तयारी अवस्थामा रहन नेपाल प्रहरीले सबैलाई तयारी अवस्थामा बस्न भनेको छ ।

त्यस्तै शनिबार बिहान ७ बजेभित्र प्रहरी प्रधान कार्यालयमा कार्यारत अधिकारीहरूलाई फिल्ड चुस्ता पोशाकमा अनिवार्य उपस्थित हुन भनिएको छ ।