इलाम-१ अपडेट: कांग्रेस र श्रम संस्कृतिबीच तीव्र प्रतिस्पर्धा, एमाले तेस्रो स्थानमा

---

काठमाडौँ – प्रतिनिधिसभा सदस्य निर्वाचन अन्तर्गत इलाम–१ मा नेपाली कांग्रेस र श्रम संस्कृति पार्टीबीच कडा प्रतिस्पर्धा भएको छ । पछिल्लो मत परिणाम अनुसार नेपाली कांग्रेस १९८ मतले अगाडि छ ।

कांग्रेसका निश्कल राईले १० हजार ८४९ मत पाउँदा श्रम संस्कृतिका विनोद नेम्वाङ्ग लिम्बुले १० हजार ६५१ मत पाएका छन् ।

कांग्रेस र श्रम संस्कृतिको चर्को प्रतिस्पर्धा भइरहेको यो क्षेत्रमा एमालेका काजीमान कागते पछाडि पर्दै गएका छन् । सुरुवाती अग्रता लिएका काजीमान सोमबार बिहानदेखि पछाडि परेका छन् । उनले ९ हजार ९९८ मत पाएका छन्।