ललितपुर–३ मा रास्वपाको भारी अग्रता

---

काठमाडौं– ललितपुर प्रतिनिधिसभा निर्वाचन क्षेत्र नम्बर ३ मा राष्ट्रिय स्वतन्त्र पार्टी (रास्वपा) ले प्रारम्भिक मतगणनामा उल्लेख्य अग्रता लिएको छ।

हालसम्म १ हजार ९९६ मतगणना हुँदा रास्वपाले १ हजार ६४८ मत प्राप्त गरेको छ। नेपाली कांग्रेसले १६८ मत पाएको छ।

यस्तै, नेपाल समाजवादी पार्टी (तारा) ले ३५ मत, नेकपा एमाले (सूर्य) ले ३३ मत र राष्ट्रिय प्रजातन्त्र पार्टी (हलो) ले पनि ३३ मत प्राप्त गरेका छन्।

प्रारम्भिक मतपरिणाममा रास्वपा निकै अगाडि देखिएको छ भने अन्य दलहरू निकै पछि परेका छन्। मतगणना भने जारी रहेको निर्वाचन अधिकृतको कार्यालयले जनाएको छ।