१७ फाल्गुन २०८२, आईतवार ०७:२५
तेहरान – इरानले विश्वमा तेल आपूर्तिको प्रमुख जलमार्गमध्ये एक होर्मुज स्ट्रेट बन्द गरिदिएको छ।
इरानको रिभोल्युशनरी गार्ड्सले खाडी क्षेत्रमा रहेका जहाजहरूलाई हाई–फ्रिक्वेन्सी रेडियो सन्देश पठाउँदै यस रणनीतिक समुद्री मार्गबाट नजान चेतावनी दिएको हो।
होर्मुज जलमार्गलाई विश्वव्यापी तेल र ग्यास आपूर्तिका लागि अत्यन्त महत्त्वपूर्ण मार्ग मानिन्छ। यो एक साँघुरो जलमार्ग हो, जसले फारसको खाडीलाई ओमानको खाडी हुँदै अगाडि अरब सागरसँग जोड्छ।
यसको उत्तरतर्फ इरान पर्छ भने दक्षिणतर्फ ओमान र संयुक्त अरब इमिरेट्स (युएई) छन्। वरपरका सबै देश तेल उत्पादक भएकाले यही जलमार्गबाट विश्वभर तेल आपूर्ति हुने गर्दछ।
होर्मुज जलमार्गमध्ये करिब १६७ किमी लामो छ। यसको दुवै मुख करिब ५० किमी चौडा छन्, जबकि सबैभन्दा साँघुरो भाग करिब ३३ किमी चौडा छ। समुद्री आवागमनका लागि यसमा तीन किमी चौडाइको शिपिङ लेन निर्धारण गरिएको छ।
प्रतिकृया दिनुहोस्